Koronabirusa Uribe Kostan

Udalerrian kontsumitzeko kanpaina abiatu dute Plentzian

Plentziako Udaltzaingoa maskarak banatzen ibili da egunotan udalerriko merkatarien artean. © PLENTZIAKO UDALA

Egunotan zabalik dauden udalerriko dendetan kontsumitzea bultzatzeko asmoz, katalogo bat osatu dute Plentziako Udalak eta Merkatarien Elkarteak.

Ohar baten bidez jakinarazi dutenez, tokiko saltokiei laguntzeko kanpaina jarri dute martxan Plentziako Udalak eta Merkatarien, Ostalarien eta Zerbitzuen Elkarteak. Orain Plentzia izena duen egitasmoak udalerriko dendetan erosketak bultzatu gura ditu; horretarako, une honetan zabalik dauden establezimenduen informazioa eskaintzen hasi dira, erosketa "segurua, kalitatezkoa eta hurbilena" gertuko dendena dela azpimarratuta.

Kanpaina hori konfinamendu egoera indarrean dagoen bitartean egongo da martxan. Hala, merkatalgune eta etxez etxe banatzeko zerbitzua duten denden katalogoa osatu dute.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun