- Lehenengoa. Hondartzaren erabilera dinamikoa izatea, hau da hondartzara joatea bainu bat hartzera eta paseatzera bakarrik, gomendatutako gehieneko orduak 3 izanik. Horrela erabaki da, hondartzaz gozatzeko pertsona guztien eskubidearen alde egiteko eta hondartzaren okupazio-maila altuak ekiditeko, horrek erabiltzaileen osasuna arriskuan jar dezakeelako.
- Bigarrena. Debekatu egiten da hareatzan banakako eta taldeko kirola edo jokoak egitea 11:00tatik 20:00etara, batez ere pilota edo antzeko osagarriak erabiltzen direnetan, adibidez: palak, futbola, petanka, besteak beste.
- Hirugarrena. Ezingo dira eguzkitakoak, aulkiak, hamakak, koltxonetak eta abar eraman, behar-beharrezkoa dela uste denean izan ezik.
- Laugarrena. Osasun-agintariek COVID-19 prebenitzeko ezarritako segurtasun eta higiene-neurriak errespetatu beharko dira, eta, bereziki, gutxienez bi metroko segurtasun-distantzia mantentzeari buruzkoak, edo, halakorik ezean, babes fisikorako, eskuen higienerako eta maskarak ordezko neurriak. Horretarako, taldeak hamabost pertsonakoak izan beharko lirateke gehienez, bizikideen kasuan izan ezik.
- Bosgarrena. Debekatuta dago kai-muturrera eta itsasadarraren bokaleko gunera, kai-muturraren ondoan, sartzea.
- Seigarrena. Itsasadarraren ibilbide osoan bainua debekatuta dagoela gogorarazten da, Puente Pinto eta Portuko eremua barne.
- Zazpigarrena. Udal agintariek hondartza jendez hustu ahal izango dute edo horietara sartzeko mugak jarri ahal izango dituzte. Horretarako, aintzat hartuko dira Bizkaiko Foru Aldundiko Salbamendu eta Sorospen Zerbitzuko langileen jarraibideak edo beste bitarteko batzuen bidez lor daitezkeen datuak, hondartzaren okupazio-mailak erabiltzaileen osasuna arriskuan jar dezakeela ikusten bada.
Koronabirusa Uribe Kostan
Plentziako Udalak hondartzaren erabilera zelakoa izango den arautu du
2020ko mai. 31a, 09:52
Herritarren osasuna babesteko helburuagaz eta pandemia egoeran dauden EAEko hondartzak eta bainatzeko guneak irekitzeko eta erabiltzeko Eusko Jaurlaritzako Osasun Sailak emandako osasun-irizpideei jarraituz, Plentziako Udalak hainbat prebentzio neurri hartu ditu, joan den maiatzaren 30ean (zapatuan) indarrean jarri zen alkatetzaren dekretu baten bidez onartutakoak. Hala, besteak beste, ezin izango da bertan eguzkirik hartu modu estatikoan eta hareatzan banakako zein taldekako kirola egitea debekatuta egongo da, 11:00etatik 20:00etara.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun