Koronabirusa Uribe Kostan

Plasentia de Butron museoa, zabal-zabalik

Plasentia de Butron museoa irekita dago berriro ere, COVID19ak eragindako osasun-krisiaren aurrean prebentziozko neurri gisa, hiru hilabetez itxita egon ondoren. Hala, Plentziako historian eta itsasoagaz duen harreman estuan murgildu gura duten pertsona denek hiribilduko alde zaharrean dagoen gune kultural hori bisita dezakete daborduko. Zerbitzu hori dagozkion segurtasun-neurri guztiakaz jarri da martxan berriro, eta BizkaiKOAk, Bizkaiko Foru Aldundiko Museo eta Aretoen Sareak, emandako jarraibideen arabera aplikatu dira.

Plasentia de Butron museoak bere jarduerari heldu dio berriro, edukiera segurtasun-distantziak bermatzeko egokituz. Bisitariek maskara eraman behar dute eta eskuak garbitzeak duen garrantzitsua gogoraraziko zaie; horretarako, sarreran hidrogel higienizatzailea jarriko da. Era berean, seinaleak areagotu dira, instalazioetatik hobeto eta seguruago ibiltzeko.

Segurtasun-distantziak gordetzeko, eta erakusketa-aretoen tamaina kontuan hartuta, oraingoz ez da bisita gidaturik eskainiko taldeentzat.

Museo honen ordutegia honako hau da:

  • Eguazten, eguen eta barikua: 16:30etik 20:00etara.
  • Zapatua: 11:00etatik 14:00etara eta 17:00etatik 20:00etara.
  • Domeka: 11:00etatik 14:30era.

Ordutegi hori uztailaren 2ra arte mantenduko da, orduan sartuko baita indarrean udako ohiko ordutegia.

 
 
 

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun