Alarma-egoera bertan behera geratu denez gero, Plentziako Udalak Herritarren Arreta Zerbitzuak modu presentzialean hasi dira arreta eskaintzen, 08:30etik 13:00etara. Momentuz ez da aldez aurretiko hitzordurik eskatu behar. Hala ere, iragarri dute sistema hori ez dutela baztertzen. Hirigintza eta Bulego Teknikoaren arloan arreta jasotzeko, aldiz, bai eskatu beharko da.
Udalak higiene eta segurtasun neurri zorrotzak hartu ditu gaur egungo egoerari aurre egin ahal izateko. Hala, besteak beste, maskararen erabilera derrigorrezkoa izango da uneoro eta gehienez bi pertsonarentzako lekua egongo da bulegoetan.
Udaltzaingoari dagokionez, arreta-ordutegia hurrengoa da: astelehenetik barikura, 07:00etatik 22:00etara eta aste-akabuetan, 09:00etatik 21:00etara.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!