Koronabirusa Uribe Kostan

Arkote arraun-taldeak ez du parte hartuko Kontxako sailkapen-estropadan, arraunlari batek positibo eman ondoren

Plentziako Arkote arraun-taldeak jakinarazi duenez, astelehen gauean COVID-19 kasu positibo bat atzeman zuten mutilen senior taldean. Azaldu dutenez, kutsatutako arraunlariak ez du parte hartu azken egunotako entrenamenduetan, ezta azkenengo estropadetan ere. Hala ere, taldeak iragarri du kirolari denak euren etxeetan konfinatuta daudela. Kutsatutako laguna egoera onean dagoela azpimarratu dute.

Plentziako Arkote arraun-taldeak jakinarazi duenez, astelehen gauean COVID-19 kasu positibo bat atzeman zuten mutilen senior taldean. Azaldu dutenez, kutsatutako arraunlariak ez du parte hartu azken egunotako entrenamenduetan, ezta azkenengo estropadetan ere. Hala ere, Osasun Sailak markatutako ildoei jarraituta, aztarnariak kirolari horren inguruko pertsonakaz kontaktuan jarriko dira, baita senior taldeko beste arraunlariakaz ere, prebentzio neurri gisa. Bitartean, taldeak adierazi duenez, euren etxeetan konfinatuta daude.

Egoera honen aurrean, Arkote arraun-taldeak iragarri du ezin izango dutela parte hartu gaur jokatzekoa den Kontxako sailkapen-estropadan. Hori dela eta, Plentziako taldeak amaitutzat eman du 2020ko arraun-denboraldia.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun