Ertzaintzak 29 urteko gizon bat atxilotu zuen Plentzian atzo arratsaldean, hondartzan zeudenen hainbat telefono mugikor lapurtzeagatik. Emakume batek atxiki zuen atxilotutakoa, bere semeari telefonoa osten ahalegindu zela ikusita, eta Ertzaintzari deitu zion. Eraso egitea ere leporatu diote, besteak beste atxiloketaren unean polizietako bati txistua bota ziolako.
Segurtasun Sailak emandako informazioaren arabera, hondartzara joan ziren ertzainek ikusi zuten susmagarriak telefono bi, bateria bi eta hainbat txartel zituela, hondartzan bertan ordu batzuk lehenago lapurtutakoak. Antza, jendea uretara joateko zain egoten zen, mugikorrak hartzen saiatzeko.
Atxilotua Ertzaintzaren egoitza batera eroan zuten, eta epaitegira eroango dute datozen orduetan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!