Bisita gidatuak urrian egingo dira museoaren ordutegiaren barruan, zehazki, eguazten eta eguenetan (11:00-14:00) eta bariku eta zapatuetan (11:00-14:00 eta 17:00-20:00). Bisitek 20 minutuko iraupena izango dute, euskaraz zein erdararaz egiteko aukera egongo da eta leku kopurua mugatua izango da (gehienez 6 pertsona, 3 solairu bakoitzeko), beraz, parte hartu gura dutenek aldez aurretik eman beharko dute izena 946 773 725 telefonora deituz edo contacto@museoplentzia.org helbidera idatziz. Sotak jakinarazi digunez, daborduko ia-ia bisita denak beteta daude, beraz adi ibili eta egin erreserba ahalik eta lasterren.
Plentziako Itsas Eskolaren nondik norakoen berri ematen ari dira hilabete honetan hiribilduko Plasentia de Butron museoan, eguaztenetik zapatura. Jondalar Sota bertako gidariak azaldu duenez, 1933ra arte egon zen martxan eskola hori, Plentziako Marinelen Kofradiak sustatuta, "eta garrantzi handia izan zuen XVIII. mendean". Horrez gainera, bisitariek hiribilduaren itsasoarekiko lotura zer-zelakoa izan zen ezagutzeko parada izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun