Koronabirusaren hedapena geldiarazteko eta EAEn kutsatzeak gutxitzeko prebentzio-neurri berriak direla eta, mugikortasuna udalerrietara mugatu da. Hori dela eta, Plentziako Udalak udalerriko Musika Klasikoaren Jaialdia bertan behera uztea erabaki du. Beraz, urriaren 29, 30 eta 31rako aurreikusita zeuden hiru musika hitzorduak ez dira ospatuko.
Udalak zabaldutako ohar baten bidez kulturarekiko konpromiso irmoa berretsi gura izan du, eta Plentzian kultura sustatzen eta zabaltzen laguntzen duten entitate guztiei babesa helarazi gura izan die. "Udalak jarduera-programazio oparoa eskaintzeko lanean jarraituko du, jakinda betiere, programazio hori pandemiaren bilakaeraren mende egongo dela beti", adierazi dute udal-arduradunek.