Plentziako Udalak betiko jolasak margotu ditu herriko eskolako jolastokian. Gune horren erakargarritasuna eta estetika hobetzeaz gain, esku-hartze horren helburua da umeen artean jarduera fisikoa eta talde-jokoa sustatzea, eta trebetasuna zein psikomotrizitatea bultzatzea.
Irailean, ikasleak eskolara itzultzen direnean, kolorez betetako hamar jolas tradizional berri horiek aurkituko dituzte lurzoruan: ispiluak, Twister, barraskiloa alfabetoagaz, Jump, trukemea, trukeme hirukoitza, oinak eta labirintoa, besteak beste.
Jolas horiek margotzeko lanak maiatzaren amaieran burutu zituzten, eta, horretarako, Udalak 3.103 (BEZa barne) euro inbertitu ditu.