2021eko udako kultur egitarauak

Plentzian ez da udako jairik egongo

Jairik ez, baina udan kultura ekintzak antolatuko dituzte Plentzian. © PLENTZIAKO UDALA

Udalak eta jai batzordeak iragarri dute uda honetan ere ez dela jairik egongo, eta nabarmendu dute izurritearen egoera kontutan hartuta erabakirik "arduratsuena" dela. Hala ere, udaldian zehar kultur ekintzak programatuko dituztela iragarri dute.

Azken asteotako bileren ostean, Plentziako Udalak eta jai batzordeak erabaki dute aurten ere ez direla udako jaiak ospatuko. Azaldu dutenez, "penaz hartu behar izan dugun erabakia da, baina bizi dugun egoera epidemiologiko larriaren aurrean, arduratsuena jaiak ez ospatzea da". 

Hala ere, Udaleko Jaietako Sailak eta jai batzordeak jakinarazi dute elkarlanean aritu direla Kultura Sailagaz eta udalerriko hainbat gizarte eragilekaz batera, udaldia animatu eta dinamizatzeko helburuagaz. Hala, irailera arte adin guztietarako jarduerak antolatuko dituztela iragarri dute.

Horretarako, zehaztu dute formatu murriztuakaz egingo dutela lan, edukiera mugatuakaz, eta hitzordu guztietan COVID-19aren aurkako protokoloak ezarriko dituzte, unean-uneko osasun-araudia eta gomendioak zorrotz betez.

Egitaraua (PDF 1,09MB):

  • Uztailak 13, 14 eta 15: Plentzia eta Uribe Kostaren historiaren XIII Jardunaldiak
  • Uztailak 15: "Gora Kasete" familientzako ikuskizuna
  • Uztailak 16: "Poesia eres tú, Bécquer", Iñaki Urrutiarekin.
  • Uztailak 27: "Puro Relajo" taldearen kontzertua
  • Uztailak 27, 28 eta 29: Kantauriko itsas kulturaren III Kongresua.
  • Uztailak 30: "Petit Comité" taldearen kontzertua
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun