Eusko Jaurlaritzako Segurtasun Sailak jakinarazi duenez, Plentziako bizilagunek ohartarazpena egin zioten Ertzaintzari, esanez atzo iluntzean, eguenean, portuaren eta Aldea Zaharraren inguruan kale-zurruta egiteko jendea pilatzen ari zela, bide publikoan edaten eta herritarrei eragozpenak sortzen.
Getxoko ertzain-etxeko patruilak eta Brigada Mugikorreko hainbat furgoneta bertaratu ziren, eta bide publikoan ehunka pertsona batuta eta edaten ari zirela egiaztatu zutenean, inguruak usteko agindua eman zuten. Bertan zeudenetako batzuek uko egin zuten, eta, Segurtasun Sailak adierazi duenez, agenteei harriak eta botilak botatzen hasi ziren, polizia-ibilgailuetan kalte materialak eraginez.
Goizaldeko 02:00ak arte iraun zuten istiluek, eta, horietan, 18 urteko gazte bat atxilotu zuten desordena publikoak egotzita.