Arpillaoko lokalak husteko segurtasun arrazoiak faltsuak zirela salatu dute elkarteek

Arpillaoko Elkarteek egindako ikerketa independente batean ondorioztatu dutenez, eraikinaren egoerak ez du lokalak husteko erabakia justifikatzen. Gainera, elkarteek deitoratu dute Udalak aparkalekuak berriz zabaltzeko bideragarritasun-azterlana egingo dutela, baina elkarteen lokalak ez dituztela kontutan hartuko.

Hamar hilabete pasatu dira Arpillaoko elkarteen egoitzak husteko agindua eman zutenetik, eta, orain, Udalak lokalen sarrera hormaz zarratu gura du "segurtasun arrazoiak" argudiatuz. Baina Arpillaon lokala zituzten elkarteetako kideak —Arkote Arraun Taldea, Danontzat Gaztetxea, Plentzia Piraguismo Taldea, Plentzia Traineru Baltza eta AMBAR Elkartea— ez daude erabakiagaz ados, eta sare sozialetan salatu dute horregaz Udalak arazoa estali gura duela.

Bestalde, Danontzat Kultur Elkarteak urriaren 14an aurkeztutako ikerketa independente batean zehazten zenez, "Gaztetxearen lokala egoera onean dago, bakarrik iragazketa-arazo puntualak baino ez ditu, eta ez da beharrezkotzat jotzen zigilatzea". Zenbait adituk parte hartu zuten elkarteek agindutako ikerketa horretan, eta, ondorioztatu zutenez, Udalaren txostenak ez zuen lokalak husteko erabakia justifikatzen.

Horretaz gain, Udalak iragarri du ingeniariakaz bideragarritasun-azterlana egingo duela Arpillaoko aparkalekuko aldean, hori berriro zabaltzea posible den ikertzeko. Aldiz, elkarteek eta oposizioak hainbatetan eskatu arren ez dituzte elkarteen lokalak ikertuko. Hori kontutan izanda, elkarteek lokalek egoera espezifikoa jakiteko azterketa egitea eskatu diote Udalari, eta hormaz ez zarratzea exijitu diote.

Elkarteek egoera

Kaleratuak izan eta gero, Arpillaon egoitza zuten herriko taldeen egoera larria izaten jarraitzen duela deitoratu dute elkarteek: AMBAR elkarteari liburutegiko gune bat utzi zioten, baina espazioa txikiegia dela salatu dute; Plentzia Piraguismo taldeari ere frontoian toki bat egiteko lanetan ari dira, baina segurtasun-neurriak gutxiegi direla kexatu dira elkarteko kideak; gainera, Danontzat gaztetxeari ez diote inolako aukerarik eman.

Erlazionatuak

Arpillaoko lokalak itxi eta bertako elkarteen jarduera geldiarazi du Udalak

Plentzia

Segurtasun-arrazoiak argudiatuta, Plentziako Udalak Arpillaoko lokalak eta eraikina behin betiko itxi eta bertako jarduerek jarraitzea debekatu du....
Kaleratzeko dekretua beteta, Arpillaoko elkarteak kale-gorrian utzi dituzte

Plentzia

Lehen abisua jaso eta bost hilabetera, Arpillaoko lokaletan egoitza zuten elkarteek lokalak uzteko dekretua bete behar izan dute. Zalantzaz beteta ...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun