Japonian antzinatik erabiltzen den Gyotaku izeneko teknika baliatuta, Almudena Echevarria getxoztarrak arrainak inprimatzen ditu. Oilarrak, erreboiloak, zapoak, sardinak edo txelbak tintan busti eta paperean jartzen ditu, arrain horien kopia paregabeak sortuz. Azaldu duenez, iraganean, jende gehienak irakurtzen ez zekienean, azoketako produktuak identifikatzeko, horiek tintagaz busti eta irudiak paperean jartzen zituzten, «hartara, arraina tamaina errealean ikus zitekeen, eta xehetasun guztiak nabaritzen zitzaizkien»
Echevarriak, gehienetan, tinta beltza edo urdina erabiltzen du paper zuriaren gainean, baina urre- edo zilar-koloreak ere erabiltzen ditu atzealde ezberdinakaz, «oso abstraktua geratzen da, eta nik arrainakaz egin arren, beste mila gauzakaz ere berdina egin daiteke». Kontatzen duenez, arrain berezi hauek lamina edo koadroetan jartzen hasi bazen ere, jendeari hainbeste gustatu zitzaizkion, orain, jantzietan eta bestelakoetan jartzen hasi dela.
Sortzen dituen produktuak azoketan saltzen ditu, baina, horretaz gain, Sopelako Cienpies eta Plentziako Makuto zapata-dendetan ere ditu salgai. Dioenez, txelba arraina bihurtu da bere lanaren logoa.
Almudena Echevarriak egindako lamina eder bat irabazi gura duzu? Bada, bat zozkatzen dugu; egin klik hemen eta parte hartu zozketan!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
