Sute batek Plentziako erretegi bat kaltetu du

Goizeko lehen orduan piztutako sute batek Plentziako zubiaren ondoan dagoen Gurea erretegiko terraza kiskali du. Ingurutik zebilen pertsona batek jarri zuen alertan lokaleko langileetako bat, goizeko 06:20ak aldera eta, mahuka batekin, sutea itzaltzea lortu du, kalte gehiago saihestuz. 

Dirudienez, lokalak kanpoan dituen bi neberetako batek izandako zirkuitu-labur batek eragin du ezbeharra. Ondorioz, ke eta sugarrak sortu dira, eta hainbat mahai, aulki eta terrazako sabaia suntsitu dituzte.

Suhiltzaileak, Ertzaintza eta anbulantzia bat bertaratu dira egoera kontrolpean izateko.

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun