Denboraldiko laugarren bandera eskuratu zuten domekan Plentziarrako arraunlariek Nerbioi ibaian lehiatu zen ligako azken estropadan. Garaipena lortu arren, Play Off lehiatzeko sarbidetik puntu bakarrera geratu ziren plentziarrak, hala ere, "denboraldi ikaragarria" izan dela nabarmendu dute.
Arkoteko arraunlariak KAE1 2022 denboraldiko hirugarren postuan geratu dira lau bandera eskuratuta; atzo, abuztuak 21, lortu zuten azken garaipena XLIX. Villa de Bilbao Ikurriñan.
Sailkapen orokorrean, Arkote hirugarren geratu da 133 puntugaz, Eusko Label Ligara igotzeko Play Off-ean lehiatzetik puntu bakarrera. Aldiz, denboraldiko irabazlea Pasaiako Sanpedrotarra izan da eta bigarrena S.D.R. Pedreña, 142 eta 134 puntugaz, hurrenez hurren. Hamalau estropada eta lau bandera eskuratu ostean, Arkoteko arraunlariak pozik azaldu dira egindako lanagaz eta zaleen berotasuna jaso zuten atzo Plentzian egindako ongietorrian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
