Zurrumurruen aurkako formakuntzak eskainiko dituzte Plentzian

Ander Zarraga 2023ko mar. 20a, 10:35
Deskargatu Info Ahotsak :
es en fr

Andrea Ruiz Deusto Unibertsitateko Antropologia doktoreak irekiko du zapatuko formakuntza. © BEGIRUNE FUNDAZIOA

Hasteko, Xabier Aierdi soziologoak migrazio prozesuen inguruko zurrumurru eta jarreren inguruko formakuntza eskainiko du bihar, martxoak 21, 19:00etatik aurrera, Goñi Portalen. Bestalde, zapatu goizean, hilaren 25ean, beste formakuntza saio bat eskainiko dute zurrumurruen arloko aditu bik. 

Zurrumurruen Aurkako Sareak bi formakuntza-saio eskainiko ditu egunotan Plentziako Goiño Portalen. Lehena bihar bertan izango da eta Xabier Aierdi Begirune Fundazioko adituak eskainiko du; lehen saio hori 19:00etan hasiko da.

Bigarren formakuntza zapatuan egingo dute eta Andrea Ruiz Deusto Unibertsitateko Antropologia doktoreak eta Sara Garcia Maitz elkarteko kideak emango dute. Lehenak identitatearen, arrazaren eta kulturaren inguruko berrirakurketa bat egingo du, kategoria horien inguruko hausnarketa bultzatzeko; bigarrenak, aldiz, zurrumurruak kudeatzeko estrategia komunikatibo eta emozionalak aztertuko ditu. Formakuntza 11:00etan hasiko da eta 14:00etan bukatu.

Zurrumurruen Aurkako Sareaz gain, Ongi Etorri Errefuxiatuak plataformak eta Bizkaiko Foru Aldundiak ere parte hartu dute jarduera horren antolakuntzan. Inolako informazio gehigarririk nahi izatekotan 615 720 810 telefono-zenbakia ere ahalbidetu dute.

Jendartea Plentzia
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun