Aste-akabuan, Sestaon egin den Euskadiko Batel Txapelketa irabazi dute kadeteen kategoriako Arkoteko mutilek. Aurreko astean, Bizkaiko Batel Txapelketako bandera ere eskuratu zuten plentziarrek, Sestaoko uretan egin zen lehiaketan. Oraingoan, Arkotek mutilen hiru batelegaz parte hartu du Sestaon: kadeteak, gazteak eta haurrak, hirurak mutilen kategoriakoak.
Aste-akabuan, Arraunerako Euskal Federakundeak antolatutako aulki finkoko Euskadiko Batel Txapelketa jokatu da Sestaoko uretan. Aurreko astean bezala, Sestaoko uretan ere egin zen Bizkaiko Batel Txapelketan lortutako emaitza errepikatu dute Arkote Arraun Taldeko kadeteetako mutilek.
Zapatuan, sailkapen-fasean Arkoteko gazteek eta haurrek ez zuten domekako finaletarako txartela eskuratzea lortu, baina kadeteek bai. Arkotekoek aukera baliatu eta nahiko berdinduta egon zen estropadan lau segundoko aldea atera zion Deustoko batelari; horien atzetik geratu ziren Isuntza eta Itsasoko Ama.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
