Plentziako udalekuetan izena eman ahalko dute 2011 eta 2018 urteen artean jaiotako umeek. Horretarako, izapideak barikua, hilak 19, baino lehen egin beharko dira, eta, horretarako, gurasoek izen-emate fitxa segurantza sozialeko txartelaren fotokopia aurkeztu beharko dute.
Erabat euskaraz garatuko den programa uztailean zehar Plentziako eskolan egingo dute lau txandetan: 3tik 7ra, 10etik 14ra, 17tik 21era eta 24tik 28ra. Taldeak adinaren arabera sortuko dituzte, eta jardueretarako taldeak ere adinaren arabera egokituta egongo dira. Antolatzaileek azaldu dutenez, jardueren helburua izango da umeen artean talde-lana eta irudimena lantzea, "ume bakoitzaren banakotasuna errespetatuz".
Beharrezkoa balitz, plazen zozketa maiatzaren 23an egingo litzateke eta onartuen behin behineko zerrenda eta itxaron zerrenda egun bat geroago argitaratuko dira, hilaren 24an. Aldiz, behin betiko onartuen zerrenda maiatzaren 26ean argitaratuko dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
