Pala Tour txapelketak bi pala partida dakartza bihar Plentziako Jai Alai frontoira.19:00etatik aurrera, lehenik emakumezkoen larruzko paleta neurketa egongo da Zugaza-Landajo eta Rodriguez-Iturbe bikoteen artean. Ostean, Necol-del Rio eta Gaubeka-Gordon bikoteen arteko neurketa izango da.
Txapelketa Innpalak eta Bizkaiko Foru Aldundiak antolatu duten Pala Tour-en barruan dago. Udan zehar, Euskal Herriko frontoietan palista onenak aurrez aurre jarriko ditu lehiaketa horrek. Gainera, final handia irailaren 9an izango da Sopelako frontoian, eta bertan norgehiagoka horretan emaitza onenak lortzen dituzten jokalariak neurtuko dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!