Bost kontzertu dakartza aurtengo Agorrijazz Plentziako jazz musikaren jaialdiak. Abuztuaren 11n eta 12an, barikuan eta zapatuan, rhythm & blues, rock, funk, groove eta jazz estiloen zaleek musika mota horregaz gozatzeko aukera izango dute hiribilduan.
Uda honetako edizioko lehen egunean, Arima Soul taldeak irekiko du jaialdia 20:00etan, eta horien ostean, 22:00etan, Wax and Boogie taldearen txanda izango da.
Jaialdiaren bigarren jardunaldia 13:00etan hasiko da Papiro Blues taldearen 70. hamarkadako rock zaporea duten abestiakaz. Iluntzean, aldiz, Sweet Marta & Blues Shakers talde esanguratsuaren txanda izango da. Sweet Martak leku nabarmena lortu du urte gutxian Espainiako Estatuko blues eszenan, bera baita dagoen emakume harmonika-jole bakarra. Bukatzeko, Flamingo Tours Bartzelonako rock 'n' roll talde independenteak itxiko du jaialdia 22:00etatik aurrera.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
