2023-2017 agintaldiari begira, Plentzian euskararen garapenerako jorratu beharreko lan-ildoak ezartzeko ariketa irekia egingo dute gaur, azaroak 3, 18:00etan, udaletxean. Horretarako, udal-iturriek hiru helburu nagusi ezarri dituztela aurreratu dute: Plentziako euskaltzaleen sarea indartzea, adin eta sektore guztientzako proiektua garatzea eta euskararen erabilerarako gune gehiago irabaztea.
Aipatutako hiru helburu horiek kontuan hartuta, gaurko mahai-inguru horren helburua 2027ra bitartean "ekimen egingarriak" zehazta dela azaldu dute udal-iturriek sare sozialetan.
Era berean, Plentziako Udalak atxikimendua adierazi dio zapatuan Euskalgintzaren Kontseiluak Bilbon euskararen aurkako epaien aurrean deitu duen manifestazioari. Behin ariketa konpartitua bukatuta, gura dutenen artean talde-argazkia egitea ere proposatuko dute, biharko manifestaziora joateko deialdiagaz bat egiteko.
.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!