Udalak parte-hartze prozesu bat abiatuko du hiribilduko udal-ekipamendua eta eremu publikoaren aukeren eta erabileren inguruko azterketa bat egiteko. Horretarako, eguenean, hilak 11, ekimenaren aurkezpen publikoa egingo dute 18:00etan Goñi Portalen.
Plentziako Udaleko ordezkariakaz batera, aurkezpenean ere izango dira Tipi eta Hiritik At enpresak, beraiek osatuko baitute egitasmoaren talde teknikoa. "Haiekin batera, udal-ekipamenduen aukerak eta erabilerak aztertu nahi ditugu, eta Plentziako espazio publikoen sarea berrantolatu nahi dugu, gure herria inplikatuz partaidetza-prozesu baten bidez", adierazi dute udal-iturriek sare sozialen bitartez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!