Zapatuan, zuhaitz-landaketa egin zuten EHUko Plentziako Itsas Estazioak eta Plentzia Herri Lurrak elkarteak. Bertan, Itsas Ingurumena eta Baliabideak Erasmus Mundus masterreko 45 ikaslek eta estazioko 12 irakasle eta ikerlarik hainbat zuhaitz landatu zituzten CO2 aztarna konpentsatzeko.
Egitasmoan 300 haritz landatu zituzten MER Community Summitek 2022an utzitako CO2 aztarna konpentsatzeko helburuagaz. Era berea, EHUko iturriek aurreratu dutenez, ondorengo urteetako promozioek ere egitasmoagaz jarraituko dute eta haritz belaunaldi berriak landatuko dituzte otsailero, "maserreko ikasketetan munduan zehar egiten dituzten bidaien arrastoa murrizteko".
2022an, Itsas Ingurumena eta Baliabideak aztertzen dituen Erasmus Mundus egitasmoaren 10. urteurrena ospatzeko, mundu osoko 250 pertsona inguru batu ziren MER Community Summit ekitaldian. Horrek CO2 aztarna handia utzi zuela adierazi dute PIEko iturriek, eta, horregatik, MER basoa sortzea pentsatu zuten, "iraunkortasun-eredu gisa konpentsatzeko".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
