Eskualdeko taldeak bultzatzeko asmoagaz, Plentziako Udalak Kantatzen Duen Herria musika-maratoia egingo du zapatuan, hilaren 25ean. Goizeko 11:00etatik goizaleko 01:00ak arte, askotariko estiloak joko dituzten 13 talde izango dira Plentziako kaleak musikaz betetzen.
Krianza Sound, Urbi Selektah, Papiro Blues, Er Duente & Tonians edo Masmaster Blaky taldeak izango dira, besteak beste, zapatuko jaialdi handi honetako protagosnitetako batzuk. Kontzertuak 11:00etan hasiko dira Uriolan eta Kantagunearen eskutik Ontziolara arte joango dira 13:00etan. Ordutik aurrera, hainbat talde arituko dira bata bestearen atzetik musika jotzen goizaldera arte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!