Kirol Txartela Mugiment proiektura bat egingo du Plentziak ere, eta, horretarako, erabiltzaileen erregistroa eguneratuko du. Daborduko alta emanda dauden erabiltzaileek, eta horrela segi gura dutenek, padel aplikazioan aurkituko dute bete beharreko abonu-fitxa. Informazio hori udaletxera modu telematikoan bidaltzeko instantzia orokor batera erantsi beharko dute. Halaber, herritarrek era presentzialean ere bete dezakete bonua udaletxean. Epea ekainaren 15ean amaitzen da. Egun horretarako abonu-fitxa entregatzen ez duten pertsonei, baja emango zaie abonuan.
Aldez aurretik sisteman ez dauden herritarrak padel aplikazioan erregistratu behar dira, eta erregistratu ondoren zehazten diren jarraibideak bete behar dituzte. Izena emateko atxikita ez dauden lagunek hemen egin dezakete.
Kirol txartelaren inguruko informazio gehiago, hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!