Batetik, ekainaren 28an, Harrotasuna ospatzen den egunean, Andoni Mutiloak Sex Sua maitasunari eta ligatzeari buruzko ohitura berriei buruzko musikala eskainiko du Goñi Portalen. LGBTI+ kolektiboaren aldeko aldarrikapen honetan antzerkia, dantza, musika, umorea eta drama bateratuko ditu. Euskaraz izango den ikuskizuna 19:00etan hasiko da eta 14 urtetik gorako publikoarentzako dago pentsatuta.
Bestetik, uztailaren 2an, 22:00etan, Ontziola plazan, Zinegoak Bilboko LGTBIQ+ 21. Nazioarteko Zinema eta Arte Jaialdiko Transfariana pelikularen emanaldia egingo dute. Frantziako eta Kolonbiako produkzio honek FARCeko buruzagi baten eta sexu-langile ohi trans baten ezkontzak segurtasun handiko kartzela batean eragingo duen zalaparta kontatzen du, gizartean ematen ari diren aldaketen seinaleak bilatuz. Emanaldia elebiduna izango da, euskaraz eta gaztelaniaz eta 16 urtetik gora publikoarentzako dago gomendatuta.