Antolatzaileek aurreratu dutenez, "aurten 100 pertsona gehiago inguru izango dira martxaren ondorengo herri-bazkarian", beraz, 400 parte-hartzaile inguru espero dituzte horretan, "inoiz baino gehiago". Halaber, azpimarratu dute urtez urte Itsas Martxa hazi egin den ekimena dela, baina gai direla antolakuntzaren erronkari aurre egiteko, gero eta boluntario gehiagoren laguntza eta lanari esker.
Adierazi dutenez, azken urteotan preso, iheslari eta horien familien egoera hobetu den arren, gehienak Euskal Herriko espetxeetan baitaude, "azkenaldian hainbat esperatze izan dira, Aitor eta Galderren kasua adibidez, eta oraindik senide eta lagunak espetxean eta erbestean izaten jarraitzen ditugu"; beraz, gauzak aldatu ezean, Itsas Martxa egiten jarraituko dutela nabarmendu dute, "eguna egutegian gorriz markatuz denak kalean izan arte".
Tamalez, azaldu dute "duela astebete bukatu zitzaizkiela bai piraguetarako, baita bazkarirako tiketak ere", baina herritarrei dei egin diete ekitaldian parte hartzera itsasertzetik joango den martxan, eta bazkarirako tiketik gabe geratu badira, txosnetan ere pintxoak izango dituzte herriko ostalariei esker, "eta kontzertuez gozatzeko lekua izango da denontzat, baita karpa azpian ere".
Egitaraua:
