Plentziako alkate Aitor Garagarzak Hirukari azaldu dionez, azken asteetan hainbat matxura izan dira ur-sarean, baina ez dute Bilbao Bizkaia Ur Partzuergoaren aldetik jakinarazpen ofizialik jaso. "Auzokideek beti guregana jo dute informazio eske, eta Udaletik Partzuergoarengana jo dugu, eta horrela izan dugu arazoaren berri", azaldu du alkateak, Partzuergoaren bestelako adierazpenik jaso ez izana deitoratuz. "Larrituta gaude ez dakigulako zer ari den gertatzen ur-sisteman, baina behintzat, informazioa eta abisuak behar bezala jasotzea gustatuko litzaiguke, batez ere, oraingoan bezala, auzo oso bat astebete urik gabe egongo denean".
Plentziako Udalak jakinarazi duenez, ur-sareko hodi bat hautsi da, eta, horren eraginez, Saratxaga auzoko hainbat etxebizitzetako ura uherra iristen ari da. Bilabo Bizkaia Ur Partzuergoak adierazi du konponketek astelehenera arte iraungo dutela, eta, beraz, iturriko urik ez edateko eskatu diete bertako bizilagunei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun