Gaur, eguaztena, tailer parte-hartzaile bat egingo dute plentziarrek udalerriko zaintzagaz eta ongizateagaz lotutako beharrizan eta kezkak plazaratzeko. Topaketa 18:00etatik 20:00etara egingo dute Goñi Portalen; bertaratzeko aldez aurretik izena eman beharko da lotura honen bitartez.
Tailerra gaztelaniaz izango da, eta elkarrizketa eta herritarren inplikazioa sustatzea du helburu, udalerriko errealitateei erantzungo dien zainketa-eredu baten diseinua osatu ahal izateko. Funtsezko gaiak jorratuko dituzte, hala nola beharrezko zerbitzuak, talde kalteberei arreta ematea eta komunitate-sareak indartzea.
Familien parte-hartzea errazteko, tailerra egiten den bitartean, Udalak doako ludoteka zerbitzua ere jarriko du 4 eta 12 urte bitarteko haurrentzat.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!