Garbiketa saio hau, EKOGUNEk Uribe Kostako eskoletan (Ander Deuna Ikastola, Zipiriñe Eskola, Berango Merana, Elortza Ikastetxea, Gorlizko Ikastetxea, Plentziako Ikastetxea eta Lemoizko Ikastetxea) egiten ari den "Eskualdeko Birzi taldea" kontzientziazio kanpainari amaiera emateko balioko duen ekimena da. Domekako jarduera eskualdeko zazpi eskola horietako familiei eta bere aletxoa jarri guraduten Uribe Kostako gainerako bizilagunei zuzenduta dago.
Ekitaldia amaitutakoan, hondakin poltsa guztiak udaletxeko plazan jarriko dira gai birziklagarrietan banatuta (papera, ontziak, beira, organikoa, etab.) jendeak ikus dezan eta kontzientzia har dezan, zer garrantzitsua den ondo sailkatzea eta birziklatzea.
Era berean, parte hartzaileen artean zozketa bat egingo da, produktu jasangarriakaz eta hainbat objektu eta material ezberdinakaz.
Garrantzitsua da aipatzea baita ere, ekitaldi honetan komiki-lehiaketaren irabazleak iragarriko direla, eta sariak banatuko zaizkie lehiaketa honetan jasotako proposamen onenei. Hondakinen garbiketa jarduera hau, kontzientziazio kanpaina bat, herritarrak konturatu daitezen zenbat hondakinek bukatzen duten gure kaleetan, hortik erreketara doazenak eta ondorioz itsasoetara.
“Birzi”, hondakinen superheroiez osatutako taldea da: organikoa, papera, beira eta ontzia edukiontzien pertsonaiak, alegia. Helburua birziklatzearen garrantziaz sentsibilizatzea eta kontzientziatzea da.