Ecomotor bezala ere ezagutzen den gune horretako eskailerek kale bien arteko garaiera saihestu eta herriko alde zaharra zein portua lotzen dituzte, baina plentziar asko arduratuta azaldu da eraikuntza berriagaz horiek desagertu egingo direlakoan. Kezka hain handia izanda, auzokide-talde batek sinadura bilketa ere hasi zuela. Hala ere, egitasmoan aurreikusitakoaren arabera, eskailerak biribilgunerantz 30 metro inguru mugitu eta Mungia bideko espaloia ere zabaltzeko asmoa ei dago.
Egitasmoa 2009an abiatu zuten, talde independenteak, EAJk eta PPk osatzen zuten Udalbatzak elkargunearen eremuko aldaketa puntualaren hasiera onartu zuenean. Behin betiko onarpena Bizkaiko Foru Aldundiak egin zuen 2011ko martxoan. Arauen aldaketa horrek ahalbidetu zuen hirigintza-sustapena garatzea, eta eskaileraren kokapen berria zehaztu zuen.
Eremu horretan egingo dituzten etxebizitzen irudikapena.