Kandelaria Kultur Elkarteak Euzkadiko Gudontzidi Laguntzailea omenduko du datorren martxoaren 5ean, Plentziako portuan, 19:00etan. Aurtengo ekitaldiak berritasunak izango dituela iragarri dute antolatzaileek, hala nola gudariak ahanzturatik berreskuratzeko panel informatiboak.
Ekitaldia txalapartaren doinuekin abiatuko da, eta bertsolariek batailari eta gudariei eskainitako bertsoak kantatuko dituzte. Ondoren, ongietorria egingo diete bertaratutakoei, eta Jose Ignacio Gorostidik itsas gudariaren semeak Matxitxakoko batailaren nondik norakoak azalduko ditu, bere aitak bizi izandako esperientziak eta testigantzak partekatuz. Ekitaldiaren amaieran, lore-eskaintza egingo dute gudarien omenez, kantuen eta agurraren artean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!