Batetik, Plentzia Eraberritu 2024 programa hiribilduko merkataritza, zerbitzu eta ostalaritzako establezimenduetan inbertsioak finantzatzera bideratuta dago. Laguntza honek LED argiztapenerako trantsizioa, Ticket Bai/Batuz sistema ezartzea, digitalizazio-aparatuetan inbertitzea eta euskarazko komunikazio-materialak diruz lagunduko ditu, besteak beste.
Bestalde, Plentzia Garatzen 2024 enpresa-proiektu berrien sorrera finantzatzea du helburu, garapen ekonomikoari eta herrian enplegua sortzeari laguntzeko, hain zuzen ere.
Programa horietarako, eskabideak aurkezteko epea 30 egun naturalekoa izango da, deialdi horiek Bizkaiko Aldizkari Ofizialean argitaratu eta hurrengo egunetik aurrera, hau da martxoaren 11tik apirilaren 22ra. Interesdunek deialdi bakoitzaren oinarri arautzaileak kontsultatu beharko dituzte, laguntza horiek jasotzeko baldintza espezifikoak eta beharrezko dokumentazioa ezagutzeko.