Plentzian frankismoaren errepresioaren eta indarkeriaren memoria historikoa berreskuratzeko ekitaldiak egingo dituzte ekainaren 13an eta 14an egingo den Memoria Eguna 2025 ekitaldien bidez.
Lehen jarduera barikuan egingo dute, ekainaren 13an, 18:30ean, Goñi Portalen. Bertan, Aranzadi Zientzia Elkarteko adituek hitzaldia emango dute frankismo garaiko errepresio judizialaren inguruan, bereziki Plentzian izandako gerra kontseiluak aztertuz.
Zapatuan, ekainaren 14an, bi omenaldi egingo dituzte. Lehenengoa, 11:00etan egingo dute Plentziako hilerrian, herriko alkate ohi Nicolas Landa Garay omentzeko. Ostean, 12:00etan, Ontziola plazan, Eugenio Campillo Robredori eskainitako oroimen-ekitaldia egingo dute; Campillo Robredo abiazio faxistaren biktima izan zen.
Egitaraua:
