Plentziako Udalak BI-2704 errepidea, Ardantzatik Isuskitzara doana, aldi baterako itxiko duela iragarri du, ekainaren 16tik uztailaren 4ra bitartean. Tarte horretan azterketa geoteknikoak eta mantentze-lanak egingo dituztela azaldu dute, errepide horretan dauden zuloak konpontzea espero baitute. Epe horretan, bidea itxita egongo da astelehenetik barikura, baina aste-akabuetan berriro irekiko dute, zirkulazioa errazteko.
Gainera, azken asteotan, Isuskiza Bidean eta Zabalazpi auzoan sastrakak kendu eta arekak garbitu dituztela ere azaldu du Udalak, landa-ingurunearen segurtasuna eta egoera orokorra hobetzeko helburuagaz.