Plentziako Udalak parke publikoen sarea hobetzeko prozesuagaz jarraitzen duela adierazi du, iaz herritarren parte-hartzeagaz egindako diagnostikoaren ondoren. Hainbat hobekuntza-proposamen jaso zituzten orduan, eta daborduko lehen neurriak aplikatzen hasi direla jakinarazi dute.
Lehen esku-hartzeak Eugenio Campillo Robledo umeen parkean eta Euskaldunen gunean ari dira egiten. Azaldu dutenez, jarduketen artean eremuak naturalizatzea, irisgarritasuna hobetzea eta erreforma txikiak egingo dituzte.
Hori jakinarazteagaz batera, Udalak gogorarazi du helburua parke-sarea irisgarriagoa, naturalagoa eta bizilagunen beharrak hobeto asetzea dela. Hurrengo hilabeteetan bestelako guneetan ere antzeko lanak egingo dituzte, pixkanaka udalerri osoan zehar hobekuntzak hedatuz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!