Udaletik nabarmendu dute atrakzio guztiak irekiera baino lehen Bizkaiko Ingeniari Tekniko Industrialen Elkargo Ofizialak bisatu eta muntaketa-ziurtagiria jasota egoten direla. Kasu honetan ere horrela izan da, baina barrakaren funtzionamenduan ondorengo irregulartasuna detektatu izanak eragin du segurtasun-neurrien zorroztea.
Salaketa egin zuen herritarrak sare sozialetan azaldu duenez, "zortzi bagoitik gora zituzten uhalak hautsita zeuden", eta arazoaz ohartarazi arren, barrakaren arduradunak ez zuen inolako neurririk hartu. Horrek eragin du udal-teknikariek esku hartzea, arriskua egiaztatu eta ixteko erabakia hartzea.