Daborduko zabalik dagoen prozesuaren bidez, emakumeen ahalduntze kolektiboa indartu, belaunaldien arteko elkarrizketa sustatu eta elkarlanerako dinamikak berriro aktibatu gura dituzte. Antolatzaileek nabarmendu dute herriko emakumeen parte-hartzea "ezinbestekoa izango dela horretarako, mahai feministaren norabidea eta lehentasunak modu partekatuan zehazteko.
Horretarako, galdetegi anonimo bat zabaldu dute. Parte-hartzea borondatezkoa izango da, eta jasotako datuak modu agregatuan erabiliko dituzte, etorkizuneko dinamikak eta ekintzak diseinatzeko. Galdetegia online bete daiteke, honbako lotura honen bitartez helbidean.
Horrez gainera, galdetegia paperean betetzeko aukera ere egongo da Plentziako hainbat gunetan: Goñi Etxean, Turismo Bulegoan, Jubilatuen Etxean eta anbulatorioan. Sustatzaileek azaldu dutenez, "emakume" terminoa modu irekian ulertzen dute, genero-identitate desberdinei lekua eginez; horregatik erabiltzen dute izartxoa deialdian.