Jakinarazi dutenez, laguntza horiek irakaskuntza arautu gabeko edo euskara hobetzeko ikastaroetara bideratuta daude, besteak beste, euskaltegietan egindako ikastaroak babesteko. Izan ere, Udalaren arabera, dirulaguntza horien bidez euskara ikasten ari diren herritarrei laguntza ekonomikoa eman gura diete, ikasketa-prozesua errazteko eta herrian euskararen erabilera indartzen jarraitzeko.
Adierazi duten moduan, nahi duenak irailaren 30era arte eskaera aurkezteko aukera izango du. Horretarako, Udalak argitaratutako ordenantza kontsulta daiteke; bertan laguntzak nola eskatu, zer baldintza bete behar diren eta eskaerak izapidetzeko prozedura zein izango den jasotzen baita.
Udalak herritarrak aukera hori baliatzera animatu ditu, euskara ikasteko edo maila hobetzeko bidean laguntza izan dezaten. Dirulaguntza horiek Plentzian euskara sustatzeko eta herritarren hizkuntza-gaitasuna indartzeko neurrien barruan kokatzen dira.