Bi musikariek ibilbide luzea dute. Casandra Alvarezek Musikenen egin zituen oboeko goi-mailako ikasketak, eta Euskadiko Orkestragaz eta Bilboko Orkestra Sinfonikoagaz jo du, besteak beste. Gaur egun, irakaskuntza eta musika-emanaldiak uztartzen ditu.
Alberto Saez, berriz, organista eta orkestra-zuzendaria da. Europako hainbat herrialdetan eskaini ditu kontzertuak, eta Bilboko Koral Elkarteko errepertorista da gaur egun.
Zer entzungo da kontzertuan?
Egitarauan hainbat garaitako musikagileen obrak bildu dituzte. Besteak beste, Bach, Telemann eta Albinoniren piezak joko dituzte, baita Valentin Maria Zubiaurreren Neure amari zortzikoa eta Marcha fúnebre lana ere.
Plentziakoa ez da jaialdiko hitzordu bakarra izango. Izan ere, Bizkaiko Hotsak egitasmoak beste hainbat herri ere bisitatuko ditu datozen asteetan, tartean Elorrio, Loiu, Zeanuri eta Abadiño.
Kontzertua barikuan izango da, 19:00etan, Santa Maria Magdalena elizan.