Asteburu honetan, otsailaren 6tik 8ra arte, abentura-zikloa egongo da Kurtzio kultur etxean. Jardunaldiak “Aire airean, Broad Peak (8.047m)” filmagaz zabalduko dituzte gaur. Dokumentala ikusteaz gainera, solasaldia ere egongo da, Jose Ramon Agirre “Marron” eta Wiso (Parapente Bizkaia) sopeloztarraren eskutik. Biek ala biek euren parapente-hegaldiak izango dituzte hizpide (Himalaia, Afrika, Sopela, eta abar). Hitzordua 19:30ean izango da, eta sarrera debalde.
Bihar, zapatua, dokumental arrakastatsu bat eskainiko da: “La sal de la Tierra”. Lan horrek Sebastiao Salgado argazkilariaren bidaia kontatzen du, eta hainbat sari eskuratu ditu: Cannes jaialdiaren epaimahaiaren sari berezia, Donostiako Zinemaldiaren ikusleen saria, eta abar. 20:00etan proiektatuko dute, sarrera doan. Gazteleraz.
Domekan, berriz, txikiek “Kon-tiki” pelikulaz gozatzeko aukera edukiko dute, 18:00etatik aurrera. Film hau benetako abentura batean oinarrituta dago: Heyerdahl Norvegiako esploratzaileak baltsa batean zeharkatu zuen Ozeano Barea. Zazpi urtetik gorakoentzat zuzenduta dago. Euskaraz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
