Sopelako kuadrillek irteera bi prestatu dituzte martxorako. Hilaren 7an Hernaniko sagardotegi batera egingo dute txangoa. Goizeko 12:00etan autobusez Sopelatik irten, eta bazkaldu ostean, parranda egingo dute Hernanin 03:00ak arte. Prezioa 45 eurokoa izango da, eta parte hartzeko ezinbestekoa izango da aldez aurretik 670 057 533 telefono-zenbakian izena ematea.
Martxoaren 13tik 15era, berriz, asteburu osoko plana prestatu dute: Luz Ardidenera eskiatzera joango dira. Autobusa 13an irtengo da 20:00etan Sopelatik, eta buelta, 15ean, 22:00etan izango da. Kasu honetan, prezioa 128 eurokoa izango da, segurua barne. Izena emateko Sopelako Carrefour Bidaiak agentziara joan zaitezke.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!