Filmak oso anitzak dira, jatorri ezberdinetakoak (Alemania, Estatu Batuak, Argentina...), baina osagai nagusia denetan gay-lesbo-trans tematikakoak direla da. Aurretik Leioan eta Getxon izan dira emanaldiak. Zinegoen Uribe Kostako aurtengo azken saioa izango da Sopelakoa.
Alice Francisen kontzertu arrakastatsuaren ostean, Sopelako Kurtzio kultur etxeak eguen honetan, otsailak 26, izango du hurrengo hitzordu garrantzitsua. 19:30etik aurrera, Zinegoak Bilboko gay-lesbo-trans jaialdiaren hainbat film-laburren proiekzioa egongo da, sarrera doan. Ondokoak dira ikusi ahal izango diren filmak: "Utö" (animazioa), "Printzesa" (drama-komedia), "Azken emanaldia" (komedia), "Sinaptica" (drama), "Ileordeak" (komedia), "Hilabete bat eta egun bi" (komedia), "Lucky Fares" (drama), "OVO" (drama) eta "Das Phallometer" (drama-komedia).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun