Martxoaren 22an, domeka, "Refugiee Poetique" (errefuxiatu poetikoa) izenburuko haurrentzako ikuskizuna eskainiko du Sopelan Claire Ducreux dantzariak bere konpainiarekin. Emanaldia 18:00etan izango da Kurtzio kultur etxean, eta sarrerak 3 euroan egongo dira haurrentzat, eta 5 euroan, helduentzat. Dantza eta antzerki bisuala batzen ditu familia osoarentzako egokia den ikuskizun horrek. Eskale batek parke bat bere aterpetxe bihurtu du; bi hesi, bere ametsaren ate; zubi bat itsasontzi bilakatu du eta eskultura bat, bere bidaide. dantza, antzerkia, clown, mimoa... Berbabako ikuskizuna da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!