Marlekiñek antzezlan bisual eta keinuzkoan lan egin zuen Kartoibiraka sortzeko. Ikuskizun horren abiapuntua eta helburua hori izan zen. Haurrentzat eta senideentzat interesgarria izango den testu bako ikuskizuna sortzea. “Julio Verneren nobelan oinarrituz, bidaiaren, abenturaren eta jokoaren izpiritua lortzen dugu”, diote antzerki-taldeko kideek. Obraren abiapuntua kaxen biltegi bat (edozein mezularitza agentzia) da, bertan hiru langilek kaxak ordenatzen eta kamioira eroaten lan egiten dute. Baina dibertigarriena desordenatzea eta jolastea da, kaxa barruetan begiratuta, mugitu baino, bidaiak amestea, biltegitik atera barik.
Irudimena bitarteko, munduari bira emanez Sopelan
"Kartoibiraka. Munduari itzulia 80 kaxatan" antzezlana 1998ko martxoan estreinatu zuen Zornotza aretoan Markeliñe taldeak. Zenbatezinak dira ordutik gaur arte eskainitako saioak eta obra horrek jasotako aipamenak. Oraingo honetan Sopelako Kurtzio kultur etxean oholtzaratuko dute antzezlan hori domeka honetan, apirilak 12. Emanaldia 18:00etan izango da eta sarrerak 3 euroan edukiko dituzte haurrek eta 5 euroan helduek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun