Abesbatzak izen handiko zuzendaria du: Irma Rutkauskaite-Egiluz, Sopelako auzokidea baina Lituaniako Musika Akademia Nazionalean abesbatzetako zuzendaritza-ikasketak egindakoa. Gaur egun, Rutkauskaitek Bizkaiko hainbat abesbatza zuzentzen ditu: Basauri Koral Elkartea, BBkantuz, Emitenia Abesbatza, eta abar. Gainera, Vocalia Taldean abesten du. Bere hurrengo erronka, Sopelako talde berri hau gidatzea izango da.
Astelehenetan ipini dute momentuz hitzordua, 19:00etatik 21:00etara Kurtzio kultur etxean. Edozeinek parte har dezake abesbatzan, baina lehenetsiko dituzte esperientzia edo belarri ona duten auzokideak: “sarbide-proba txiki bat pasa beharko dute”. Oraindino entsaioak barrura begira egin badituzte ere, ekainean Sopelako herriari aurkezpena egiteko asmoa dute.
Urepel abesbatza, ikaskuntzan sakontzeko proiektu berria Sopelan
Musikagaz lotutako elkarte berri bat jaio zen Sopelan otsailean: Urepel abesbatza; 16 lagun baino gehiago elkartu dira, gehienak sopeloztarrak, denak abesbatzetan ibilitakoak, eta “elkarregaz abesteko gogo itzela” dute. Gerba Etxebarria da abesbatzaren lehendakaria, eta dioenez, musikarekiko afizioa eta pasioa dira Urepel abesbatzaren oinarri: “Garai eta jatorri ezberdinetako abesbatzetako musika interpretatu gura dugu. Gure helburua da musikaren ikaskuntzan sakontzea, hobetzea eta zaintzea”. Horretarako, beste abesbatza batzuekaz harremanak izan gura dituzte: “Guretzat musika herri ezberdinen arteko kultur aniztasuna ezagutzeko erreminta izan daiteke”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun