Apirilaren 28an egindako osoko bilkuran, Sopelako Udalbatzak aho batez onartu zuen Mendebaldeko Saharako auziari "bidezko eta behin-betiko konponbidea" ematea. Horretarako, herriko erakundeak hainbat eskaera egingo dizkio Espainiako Gobernuari. Besteak beste. 1975etik amaitu barik dagoen deskolonizazio-prozesuari amaiera ematea eskatuko dio, saharar herriaren borondatearen adierazpen libre eta benetakoa ziurtatuko duen erreferendum bat eginez.
Ahmed Ettanji ekintzaile sahararraren berbaldia, bihar Sopelan
Zapatu honetan, hilak 23, Ahmed Ettanji ekintzaile sahararrak "Giza Eskubideak Mendebaldeko Sahararen herrialde okupatuetan" berbaldia eskainiko du Kurtzio kultur etxean, Sopelako Udalak eta Euskal Fondoak antolatuta. Ekitaldia 12:00etan izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun