Emakume txirrindulariek beteko dute Sopela zapatuan

Iker Rincon Moreno 2015ko eka. 5a, 18:06
Deskargatu Info Ahotsak :
Español English Français Català Galego

Sheyla Gutierrez Bretainiako Plumelec-Morbihan UCI lasterketaren podiumean. © LOINTEK TEAM

Zapatuan, Ugeraga kirol-elkarteak antolatuta, Sopelako Udalaren XXXI. Saria jokatuko da Sopelan zein ondoko herrietan: Urduliz, Laukiz eta Gatika. Euskaldun Sarirako puntuagarria da emakumeen txirrindularitza las­terketa hori, Sari horren bederatzigarren proba izango da; era berean, Bizkaiko Txapelketa ere izango da. Elite, kadete eta gazte mailako txirrindulariek 23,5 kilometroko zirkuitua egin beharko dute: kadetek, birritan, eta gainerakoek, lautan. 16:00etan irtengo dira denak, Sopelako udaletxe aurretik.

Lointeken gala-taldea

Txirrindularitzako aur­pegi eza­gunak ikustea espero da Sopelan, esaterako,  Maialen Aramendia: iaz proba irabazi zuen eta aurten Euskaldun Sariko kadeteen liderra da; eta Sopela-Ugeragako Rocio del Alba Garcia: hirugarren dabil gazte-mailan. Halere, arreta handiena elitekoek jasoko dute. Lehia estua dago sailkapen nagusian: Gloria Rodriguezek 72 puntu ditu eta atzean dira Lourdes Oyarbide (70), Irene Usabiaga (69), eta Lointekeko Alicia eta Lucia Gonzalez (65 eta 63). Emilio Ramos Ugeragako presidenteak baieztatu du biak izango direla Sopelan. Haiekaz, besteak beste, Sheyla Gutierrezek korrituko du; zapatuan Bretainiako Plumelec-Morbihan UCI lasterketa irabazi zuen. Horri esker, Lointek 20 talde onenen artean sartu da.

Kirolak Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun