Leticia Canales 20 urteko surflari sopeloztarrak Espainiako Txapelketaren maila nagusian urrezkoa lortu zuen asteazkenean, Ferrol hiriko (Galizia) Doniños hondartzan. Sara Urresti herrikidea, berriz, bigarren geratu zen 14 urte azpiko proban. Canales Maddi Aizpurua gipuzkoarra hartu zuen mendean finalean, Marcela Machado kanariarra eta Isabel Gundin galiziarra atzean utzita. Bere aldetik, Urrestik ezin izan zuen Janire Gonzalez gipuzkoarra berdindu.
Canalesek Europako Txapelketa irabazteko erronka ipini dio bere buruari; izan ere, txapeldunordea izan zen, lesionatu baino lehen. Nazioarteko hainbat probatan jardun beharko du aurretik, horrek dakartzan gastuakaz. Hori dela eta, crowdfunding kanpaina bati ekin dio sopeloztarrak. Canalesek hainbat sari ipini ditu zaleentzat, besteak beste: 500 euro jartzen duenak aukera izango du beragaz entrenatzeko. Bestalde, Bizkaiko Foru Aldundiak ere surflaria babesteari ekin dio.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!