2015eko Joko Atlantikoetan, 500 bat gazte parte hartu zuten, Gales, Kornualles, Irlanda, Bretainia, Eskozia, Devon (Ingalaterra), Pays de la Loire (Bretainia eta Frantzia), Nantes (Bretainia), Viana do Castelo (Portugal), Kuba, Asturias, Galizia, Gaztela-Leon, Nafarroa, Kantabria eta Euskadiko selekzioakaz. Euskadiko selekzioak garaipena lortu zuen urrezko 28 domina eskuratzean, bere lehiakide ahaltsuenen aurretik, alegia Pays de la Loireko (15 urre) frantziarrak. Akitania (7) eta Bretainia (6) ere Joko Atlantiko hauetako selekzio onenen artean nabarmendu ziren. Kubak, bere lehenengo parte hartzean, urrea eskuratu zuen belan.
Euskadi garaile aldarrikatu zen pasa den eguenean Orion eta Zarautzen egindako XXI Joko Atlantikoetan. Txapelketako hiru egunetan domina gehien eskuratu zituen selekzioa izan zen euskal herritarrena arrauna, piraguismoa, bela, surf, igeriketa, ur irekietako diziplinak, salbamendua eta sorospena modalitatetan. Euskal selekzioan, hainbat uribekostar lehiatu zen. Besteak beste, Leire Fuente surflari sopeloztarrak brontzezko domina lortu zuen shortboard modalitatean, 18 urte azpiko emakumezkoen artean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun